1963an bi suediar dokumentalista Euskal Herrira etorri eta Suediako SVT telebista katearentzat euskal kulturari buruzko bi dokumental grabatu zituzten. Argibel Eubak ustekabean topatu zituen dokumental hauek, berauek eskuratu eta, EHUko Mikel Laboa katedrarekin, ikerketari ekin zion. Ikerketa horren emaitza dira Durangoko Azokan EHUk aurkeztu duen Basker DVDa, dokumentala bere baitan dakarrena eta, harekin batera argitaratu den liburua. Bertan, Argibelek dokumental hori egin zuten dokumentalistek gurean egin zuten ibilbidea, haien istorio bitxia eta beste hainbat datu jaso ditu.
Fermin Etxegoienek gidatuta, solasaldia egin dute azokako azken egunean Harkaitz Canok eta Lara Izagirrek. Sorkuntza prozesuaren eta sortzaileen jardunaz, arazoez eta nahiez aritu ziren atzoko saioan. Bi zatitan jarri ditugu, hurrenez hurren, Etxegoienen, Canoren eta Izagirreren solasaldi osteko esanak eta solasaldia bera. https://bilbohiria.com/docs2/2016/durangokoazoka/161206-sorkuntzaz-Fermin-Harkaitz-Lara.mp3 Deskargatu hemen. Solasaldia entzuteko: https://bilbohiria.com/docs2/2016/durangokoazoka/161206-sorkuntzaz-solasaldia.mp3 Deskargatu hemen.
