Urtarrilaren 8tik dabiltza lagun batzuk esperientzia hori egiten Donostiako Egia auzoan, euskaraz baino ez dutela egiten. Orain, Aitziber Kurutziagak kontatu digunez, bost lagun dabiltza horretan, eta datozen 8 astean gehiago ibiliko dira. Martxoaren amaieran “Euskarazko eguna” antolatu dute eta bertan esperientziak emandakoa aztertuko dute. https://bilbohiria.com/docs2/2016/hizpidea/160113hizpideaaitzibergurutzeaga.mp3 Deskargatu hemen
Hizpidea
Bilbo Hiria eta Gasteizko Hala Bedi bi irratiek elkarlanean egindako goizeroko informazio saioa. Astelehenetik ostegunera, goizeko 9etatik 10etara, Euskal Herriko eta munduko gaurkotasuna Bilbo – Gasteiz konexiotik.
Hizpidea magazinearen hasieran izenburu batzuk irakurtzen ditugu, gero gure gonbidatuek horietariko batzuk komentatzeko. Gaur Eñaut Mitxelena eta Nekane Zinkunegi kazetariak izan ditugu gurekin. Eñautek Patxi Lopez Espainaiko kongresuko presidentea izango zela aukeratu du; Nekanek, aldiz, Cataluniako egoera hartu du hizpide. https://bilbohiria.com/docs2/2016/hizpidea/160113hizpideaenautetanekane.mp3 Deskargatu hemen
Pasa den ostegunean hasi zen 2016ko merkealdia Hegoaldean. Gaiarekin EKAko Jose Luis Segurarekin hitz egin dugu, zer nolako beherapenak egiten diren, lehenengo egunetako erantzuna eta merkatarien nahiak zeintzuk izaten diren… Ohiko aholkuak eman dizkigu, ganoraz erosi dezagun. https://bilbohiria.com/docs2/2016/hizpidea/160113hizpideajlsegura.mp3 Deskargatu hemen
Pasa den asteburuan Zornotzan bildu ziren Gure Esku Dago ekimenaren hainbat lagun, eta besteak beste, Bazkide kanpaina martxan jartzea erabaki zuten. Bazkide izateko bi bide dira: alde batetik, tokian tokiko egituren bidez, eta bestetik, internet bitartez. Anjel Oiarbidek hori eta gehiago kontatu digu gaurkoan. https://bilbohiria.com/docs2/2016/hizpidea/160112hizpideaangeloinaederra.mp3 Deskargatu hemen
Katalunian bertan egon da Txente Rekondo eta hasteko lortutako akordioa aipatu du. Gero, akordioak zer esan nahi duen eta hurrengo urratsak kontatu dizkigu. Bukatzeko, epe ertainera auzia nola ikusten duen izan du hizpide Txentek. https://bilbohiria.com/docs2/2016/hizpidea/160112hizpideatxenterekondo.mp3 Deskargatu hemen
Hizpidea magazinearen hasieran bi gonbidati izaten ditugu eta baraiek aukeratutako gaiak horiexek izan dira: larunbateko manifestazioa eta azken momentuko Kataluniako akordioa. Irati Sarasuak Bilbon izandako manifestazioa izan du hizpide; Gotzon Hermosillak, aldiz, Katalunian lortutako akordioaz hitz egin digu. https://bilbohiria.com/docs2/2016/hizpidea/160111hizpideairatietahermosilla.mp3 Deskargatu hemen
Dagoeneko 2016an gabiltza eta momentu ona da gogoratzeko adituek zer dioten ekonomiaren inguruan. Orokorrean hazkundeaz hitz egiten dute, nahiz eta leku batzuetan (Latinoamerikan, esaterako) zaila izan. Baina hortaz aparte ez dago besterik? Hori da hain zuzen Yolanda Jubeto ekonomilariak egindako galdera: gure lan baldintzak non geratu dira? Erantzunak elkarrizketan dituzue. […]
Aspalditik dakigu Sirian eta Iraken gerrak daudela. Gaur, Iñaki Urrestarazuk gerra horien nondik norakoak aztertu ditu. Berak egindako irakurketak ez dauka zer ikusirik egunero hainbat hedabidetan irakurri edo entzuten dugunarekin. https://www.bilbohiria.com/docs/podcast/hizpidea/151222hizpideainakiurrestarazu.mp3 Deskargatu hemen
Igandeko hauteskundeek denetariko ajeak utzi dituzte eta, seguru aski, luzerako. Nagore Uriarte kazetaria izan dugu gaur gurekin, eta, hasteko, estatu mailako emaitzak aztertu ditu. Gero, Hego Euskal Herrian geratu da bi gauza nabarmentzeko: Ahal Duguren emaitza onak eta EH Bilduren txarrak. https://www.bilbohiria.com/docs/podcast/hizpidea/151222hizpideanagoreuriarte.mp3 Deskargatu hemen
Gaur Kontseiluko idazkari nagusi Paul Bilbao izan dugu gurean. Paulek, hainbat gai ukitu ditu: Iparraldean EEPtik atera berri direla; EAEn Osakidetzak ez dituela euskaldunen hizkuntza eskubideak bermatzen; Nafarroa Garaiko gobernuari euskararen legea aldatzeko eskaintza egin diotela… Horiek eta gehiago izan ditu gaurkoan mintzagai. https://www.bilbohiria.com/docs/podcast/hizpidea/151222hizpideapaulbilbao.mp3 Deskargatu hemen