Bilboko Kalealdiaren XVIII. edizioa ekainaren 26tik uztailaren 1era ospatuko da. 58 emanaldi izango dira Bilbon, kaleko antzerkirik interesgarriena etorriko da Bilbora, eta bertan, zirkua, musika, txotxongiloak eta objektuen antzerkia nahasten dituen eta irudimenez beteta dagoen sorkuntza lan asko ikusteko parada egongo da, Euskal konpainia askok hartuko dute parte: Deabru Beltzak, Dikothomia, Eva Guerrero, Hortzmuga, Organik eta Shakti Olaizola. Jaialdiak goizeko zenbait ikuskizun programatu ditu aurten ere, Areatzan, Arriaga antzokiaren alboan eta Casilda Iturrizar parkean, antzerkia, zirkua, clowna eta musika uztartzen dituzten Cie H.M.G, Les Frelots eta Shakti Olaizolarekin. Ikuskizun horiek familia osorako daude pentsatuta, ikasleak dagoeneko oporretan dauden egunetan. Pedro Ormazabal Kalealdiko arduradunak eman dizkigu jaialdiaren zehetasunak. Ohikoa denez, Kalealdiaren barruan programatu diren ikuskizun guztiak doakoak izango dira, Casilda Iturrizar parkeko karpa barruan egingo diren emanaldiak izan ezik. Ikuskizun horiek 3 euroko prezio sinbolikoa izango dute, leku kopuruaren kontrola egin ahal izateko.
Deskargatu hemen.