Benetan festibal bitxia pasa den asteburuan Heletan egin dutena: herrikoia, eklektikoa eta logorik gabekoa, are gehiago ehunka laguntzaileri esker ateratzen dena. Antolatzaileen ustez aurten ia 20.000 lagun bildu dira Nafarroa Behereko herri txiki horretan eta pozik daude. Eguraldia lagun, musika eta askoz gehiago izan da Euskal Herria Zuzenean Festibalean: kale animazioa, dantza, antzerkia, hitzaldiak, herri-bazkaria… Patxi Gaztelumendi Bilbo Hiria Irratiko kolaboratzailearen ustez, datorren urtean beste edizio bat izango da Heletan, eta indartuta.