Jackson Browne amerikar musikariak martxoaren 16an Bilbon kontzertua izan duela eta, berari buruzko monografikoa egiteko probetxatu du Pedro Elias Igartuak ordubetez. Kaliforniako kantugileak ibilbide luze eta oparoa dauka musikan eta berak sorturiko country rock erako baladak Tom Rush, Eagles, Linda Ronstadt, The Byrds eta beste askoren diskoetan entzun ahal izan ditugu maiz. Saioaren beste atalean gonbidatu ugari pasatu dira gaurko Soinugelatik: Lou Donaldson, 80 urteko jazz saxojole miresgarria; Iker Goenagaren triki zahar-berritua; The Kings taldean ibilitako Ray Davies ingeles kantugilea; Flook folk talde irlandarra; Zimbabweko Stella Chiweshe kantari tradizionala; 60 eta 70eko hamarraldietako soula ekarri diguten Soul Survivors taldekoak; eta North Mississippy All Stars.
Deskargatu azken Soinugela-ren saioa: 1.atala, 2.atala
Entzun 1.atala: https://www.bilbohiria.com/docs/podcast/soinugela/soinugela1atala060316.mp3
Entzun 2.atala: https://www.bilbohiria.com/docs/podcast/soinugela/soinugela2atala060316.mp3
