Mikel Laboaren heriotzak zirrara handia eragin du Euskal Herri osoan. Pedro Elias Igartuak programa berezia
prestatu digu haren oroimenez eta bai asteon hil den Odettaren eta duela zenbait hilabete zendu zen Mikel Errazkinen omenez ere. Soinugela honetan hirurak gogoratu baldin baditugu ere, uste izatekoa denez, Mikel Laboari eskaini dio tarterik handiena. Laboaren hasierako kantuetatik abiatuta, hark tradiziotik esperimentazioraino eginiko bidea errepasatu dugu Pedroren laguntzaz. Mikel Errazkini dagokionez, beraren omenaldi gisara Hirusta etxeak plazaratu duen “Bidean aurkitu zintudan” diskoa entzun dugu. Odettari dagokionez, aldiz, “Odeta Sings Dylan” izenekoa izan dugu entzungai. Gainontzeko minutuetan ondoko artista hauen emaitzez gozatzeko aukera izan dugu: Salomon Burke “Like A Fire”; Otis Taylor banjo jolearen “Recapturing The Banjo”; Allison Moorerren “Mochingbird”; jatorriz mexikarra den Lydia Mendozaren hit bilduma eta gaur bertan Bilboko Kafe Antzokian kontzertua ematekoa den Ron Sexmith kanadarraren musika.
Saio hau deskargatzeko klikatu HEMEN.