Potto irratsaioaren arduradun dugun Jabi Lauzurikak Bilboko Kafe Antzokian iaz antolatutako bertso afari batean egin zuen grabazioa berreskuratu du aste honetako emanaldirako. Lagun ugari bildu ziren afari hartara eta bertsolariak ederto moldatu ziren afalosteko giroa berotzen. Unai Iturriaga, Igor Elortza eta Etxahun Lekue izan ziren bertsolariak. Josemi Larrabeiti gai jartzaileak era guztietako gaiak atera zituen, batzuk benetan orijinalak (“Sua, ura eta airea zarete, hurrenez hurren. Zein da baliagarriena?”), eta beste batzuk Bilbori estuki lotuak daudenak, bertso afaria Kafe Antzokian zenez gero. Azkenik, gogora dezagun saioaren bukaeran hurrengo bertso saioen agenda ere eskaintzen dela.
Potto-ren azken saioa deskargatzeko klikatu HEMEN.