Ia ehun urte dituen eskola horretan zenbait aldaketa izan dira ikasturte honetan, Iñaki Peña Gurasoen elkarteko bozeramaileak kontatu duenez. Gogoratu duela gutxi arte Mugika A ereduko gotorlekua zela baina pasa den urrian 20 bat ume hasi ziren D ereduan. Gurasoak pozik zeuden aukerarekin baina hasieratik erreforma batzuk eskatu dituzte eraikina hobetzeko. Bien bitartean bi sute txiki gertatu dira, bata abenduan eta bestea gaur goizean bertan. Eusko Jaurlaritza eta Bilboko Udalarekin izandako bileretan hitz onak baino ez dituzte jaso eta egoera bideratzeko kanpaina hasi berri dute, informazioa zabaltzen eta datorren asteazkenean elkarretaratzea burutuko dute. Etorkizunera begira, panorama latza da Iñakiren ustez eta guraso horien gehiengoak beste zentru batzuetan aurrematrikulatu ditu D ereduko umeak.
Elkarrizketa hau deskargatzeko klikatu HEMEN.