Duela 17 urte Bilbo Hiria Irratia hasi zen emititzen. Eta horretan jarraitzen dugu, sasi guztien azpitik eta gainetik garai latz hauetan. Eta 17. urteurrena dela-eta, Bilbo Hiria Irratiak Zenbat Gararen eta Kafe Antzokiaren lagunekin egitarau berezia prestatu du:
– hilak 17 (larunbata 22etan) “Jainko txiki eta jostalari hura” K. Antzokian.
– hilak 20 (asteartea 19etan) Joseba Irazokiren kontzertua K. Antzokian.
– hilak 24 (larunbata, 14´15etan) bertso-bazkaria, Amets Arzalluz eta Igor Elortzarekin.
– hilak 27 (asteartea, 14´15etan) mahai-ingurua K. Antzokian Sarasua, Xamar eta Irigarairekin.
Ate Irekien egunak ere egingo ditugu 21ean arratsez eta 22an goizez.