Otsailean Bilboko Hika Ateneoan izandako hitzordurik garrantzitsuenei errepasoa egin ondoren, Jabi Blazquezek martxoan hainbat ekitaldi prestatu dituztela esan digu: mahai-ingurua, garagardo-dastaketa, musika, argazki-erakusketa… Apirilerako ideia berriren bat indarrean jartzeko asmoa dutela gaineratu du Jabik elkarrizketa honetan.
Otsailari dagokion Deustualdeko Prest! aldizkariaren zenbaki berria aztertu dugu Lur Mallea kazetariaren laguntzarekin. Azalean Iñaki Garcinuño, Bizkaiko patronala biltzen duen CEBEK elkartearen lehendakaria. Erreportajean Kukutza Gaztetxea jorratu dute, eta “Barkua bete berban” hastear diren Deustuko jaiak. Horietaz gain, “Behin Batean”, “Gureak kanpoan”, Inkesta edo “Yolanda Gonzalez gogoan” artikulua aipatu ditugu. […]
