Nerbioigoiena Tokiko Elikadura Batzordeak antolatuta, ostegunean, maiatzaren 21ean hitzaldia izango da Laudioko Kultur Etxeko Arraño aretoan. Bertan, Iñaki Lazarobasterrek eta Marijo Imazek, “Elikadura eta subiranotasuna” goiburupean, eskola jantokiaren gaurko eredua eta alternatibak aztertuko dituzte, Iñaki Urkixo Laudioko baserritarrak kontatu digunez.
Asteburuan izandakoari errepasoa egiten hasi da Mikel Urbeltz Bilboko Kafe Antzokiaren egun hauetarako programazioa azaltzen, atzoko egitarauarekin jarraitzeko. Gaur XV. Haur Antzerki Topaketak, eta Yolanda Jubeto eta Joseba Barandiaranen arteko eztabaida izango ditugu. Bihar, Eskolatik oholtzara bertso topaketak, eta ostegunean kontzertuak, hurrenez hurren, Jared James Nichols-en, eta Anari-Mobydick. Ostiralean Udaberri […]