Gau Irekiak, Sarean Kultur Elkarteak antolatutako San Frantzisko, Bilbo Zaharra eta Zabalako kultur jaialdi parte hartzaileak, bederatzigarren edizio berezia ospatuko du abenduaren 12an, egungo testuinguruaren ezaugarrietara egokituz. Maria Larramendik ekarri dizkigu edizio honetako ezaugarriak. Gau Irekiak Auzo Garaietako kultur aberastasuna ospatzea proposatzen du kolektiboki, deialdi ireki batetik abiatuz, testuinguruko hainbat eragile sozial eta kulturalek eraikitako programa aurkeztuz. Goizetik eta egun osoan zehar Auzo Garaiek kaleak aktibatuko dituzte, elkar topaketarako eta hurbiltasunerako gonbita luzatuz, eta Gau Irekiaren parte diren pertsona guztien kolektibotasuna eta antolakuntza eta ekintza ahalmena aldarrikatuz, musika, dantza, erakusketak, antzerkia.
Deskargatu hemen.
