“Lurrak” euskal zirku ikuskizunaz arituko gara Piperpolis saioan, Gasteizko Kaldearte Kaleko Arteen Nazioarteko Erakustaldian eta Bilboko Kalealdia jaialdian estreinatuko dute ikuskizuna. 5 aktore eta 4 musikari arituko dira Lurrak ikuskizunean. Musikak, dramaturgiak, koreografiek… hainbat diziplinak istorio bat kontatzen lagunduko dute: langileen iraultza. Euskal langileriaren kulturan oinarritu dira istorioa eraikitzeko. Izaskun Agirresarobe clow, aktore malabarista izan da gurean.
Bestetik Olatz de Andres koreografoa izan da saioan. Lekuz leku jaialdian ‘Esferea’ piza aurkeztuko du ekainaren 24ean. Imajinatu nolakoa izango litzatekeen 360ºtan egindako koreografia bat, plano guztietatik ikusita. Esfera jolas koreografikoa da. Ekainaren 24an eta 25an, Bilboboko Abandoibarra dantzaz beteko da. Dantza garaikidea ikusle guztiengana hurbiltzea du helburu La Fundicionek antolatzen duen jaialdi honek. Bilboko hirigune ezberdinetan nazioko eta nazioarteko dantzarien proposamenak aurkeztuko dira Lekuz Leku jaialdiaren IX. edizio honetan.
