Urte berezia da Kabia Teatrorentzat, hamargarren urteurrena ospatzen ari baita. Urte borobila ‘Euria esan Euria erori’ antzezlana berriz taularatzeko. Pabellon 6 aretoan ematen ari dira, obra 2010ekoa da, baina berreskuratu egin dute urteurrenaren aitzakian. Talde egonkor baten aldeko apustua egin zuten hasieratik, eta hamar urte hauetan hainbat ikuskizun sortu dituzte. Edozein eraikinen edozein patio… bitxia da gero… Txikitan, patioa imajinazinoaren aterpea da. Ametsa, olgetea, amesgaiztoa, bildurra, inoiz galtzen ez zan denporea da. Euria esan eta euria erori Joseba Sarrionandiaren hainbat testutan oinarrituta dago. Bidaia poetiko bat proposatzen digute, Borja Ruiz da zuzendaria, eta bederatzi aktorek osatzen dute euskal antzerki eszena ikertzeko sortutako Kabia taldea. Gaurko saioan Joseba Uribarri, Josu Florentino eta Borja Ruiz izan dira gurekin.