Autoekoizleen gunera hurbildu gara eta bertan Inun, Iratxe Mugire eta Josune Murgoitio aurkitu ditugu. Azken bi hauekin solastu gara, Inunek diskoak saldu bitartean. Iratxe Mugire kantaria da, eta La piel transparente izeneko CDa atera berri du. Josune Murgoitio, berriz, idazlea, eta Colores prohibidos nobela ekarri du azokara. Autoekoizle izatea askatasuna ematen duen hautu konszientea da beraientzat, eta ilusio handia dute biek ala biek euren sormenean, eta grina horren emaitzak diren diskoan eta liburuan. Ilusio hori islatzen dute azokan produktua azaltzeko eta saltzeko momentuan ere. Txandaka antolatzen dute azokan gunea gobernatzea, horretarako denen arteko koordinazioa ezarri behar izan dute eta batzuek besteen lanak ezagutu, jendeari ondo azaltzeko. Urtetik urtera duintasunean, ekoizpenen kopuruan zein kalitatean gora doan gunea da autoekoizleena.
Deskargatu hemen.
