Irudienea gunean atzo hitzordu garrantzitsua izan zen. Goizean ‘Irrintziaren oihartzunak’ dokumentalaren estreinaldia izan zen. Bertan egon ziren Iratxe Fresneda zuzendaria eta Saioa Etxebarria argazki zuzendaria. Mirentxu Loiarte zinemagilearen erretratu pertsonala egin dute. Mirentxu Loiartek iraupen ertaineko film bat eta dokumental bat egin zituen, eta desagertu egin zen. Ondoren ez zen haren berri izan. Irrintzi (1978) eta Euskal emakumeak (1981), Loiartek filmatutako bi lan haiek, ahanzturaren zuloan erori ziren, eta zinemagilearen izena ere ia desagertu zen euskal zinemaren historiatik, nahiz eta bakoitza bere garaian nolabaiteko mugarri izan. Iratxe Fresneda EHUko Ikus-entzunezko Komunikazioko irakasleak haren figura ekarri du gogora Irrintziaren oihartzunak dokumentalean.
Deskargatu hemen.