Etxalde nekazaritza iraunkorraren aldeko ekimenak eta Eskubide Sozialen Kartak elkarlanean, elikadura osasuntsurako eskubidea ziurtatzeko bide-orria aurkeztu dute. Manifestuarekin batera, bertoko produktu freskoa erosteko telefono mugikorrerako aplikazioa ere plazaratu dute. Elikadura osasuntsua lortzeko “elikadura burujabetza” eta “nekazari eta arrantzaleen lana” ezinbestekoa direla azpimarratu dute. Baserritar eta arrantzaleek “edozein herriren eraikuntzarako oinarriko ekarpena” egiten dutela adierazi dute, industriarentzako lehengai merkeak ekoiztea baino. Horregatik, baserritarrek eta arrantzaleek errenta duina jasotzeko duten eskubidea defendatu dute. “Gardentasuna, konfiantza eta etika izan behar dira arrantza eta nekazaritza iraunkorraren bidelagunak” azpimarratu dute eta eraikuntza prozesu horretan jendartearen partaidetza ahalbidetu behar dela.
Deskargatu hemen.