Euskal Herria eta Sardinia geografikoki urruti daude, baina, antzina, bien arteko lotura egon zen. Hainbat ikerlariren teoriak bildu ditu Juan Martin Elexpuruk Euskararen aztarnak Sardinian? liburuan. Hipotesi nagusia da Mesolito eta Neolito garaian migrazio handia egon zela Euskal Herritik Sardiniara eta orduan eraman zutela euskara bertara. Erromatarrak joan arte euskara bizirik egon zela uste da. Gerora hainbat izan dira gai honetan begiak jarri dituzten ikerleak. Dena dela, hil berria zaigun Eduardo Blasco Ferrer hizkuntzalari katalanak ekarri zuen iraultza; urtetako ikerketen ondorioz, toponimiari garrantzi handia emanda, oinarri sendoak jarri zizkion aipaturiko hipotesiari. Liburu honetan sakondu eta zabaldu egiten da bide hori. Lehen parteak testuinguruan kokatu nahi du irakurlea. Bigarrenak, gorosti/golosti bezalako kointzidentzia lexikalak aztertu ondoren, toponimiari begiratzen dio.
Deskargatu hemen.
