Gaurkoan euskalerria irratiko Mikel Bujanda kazetaria batu zaigu, eta bertatik bertara Nafarroako gaiak ekarri dizkigu. Auzitegi Nazionalaren esku utzi du Auzitegi Gorenak Altsasuko kasua. Eten egin zuten astelehenean auzia, erabaki arte norena zen epaitzeko eskumena eta atzo erabaki zuen terrorismotzat jo eta Auzitegi Nazionalaren esku uztea. Etsipena ekarri du Iruñean eta Altsasun erabaki honek. Parlamentuan osoko bilkura izan zen atzo. Bertan esandakoen laburpena ekarri digu baita Une batean, UPNko Luis Zarraluquik Maria Solanari erantzuterako unean itxura fisikoari egin zion erreferentzia.”Zurekin hitz egitea atsegina da eta gainera fisikoki ederra zara”, hitz horiek erabili zituen atzo UPNko Luis Zarraluquik Hezkuntza Kontseilariari, Maria Solanari erantzuterako unean. Honez gain, bihar Nafarroako banderaren alde egingo den manifestazioaren ingurukoak azaldu dizkigu.
Deskargatu hemen.