Maite Arroitajauregi musikaria izan da Kulturgintzaren gradu ondoan, bere ibilbidea izan du mintzagai eta azken proiektua “%100 Oion” deiturikoa. Biolontxeloan lizentziatua da. Zenbait taldetan parte hartu eta gero, 2009an Mursego sortu zuen, bakarkako proiektua, eta Bat diskoa argitaratu zuen. Harrezkero, bere gisako musika hizkuntza baten bila jardun du, folklorea eta musika klasikoa hibridatu nahian. Ondorioz, kontzertu ugari eta beste bi disko iritsi dira: Bi eta Hiru. Dantzaren eta antzerkiaren arloan eginiko unean uneko kolaborazio batzuetatik harago, hainbat film laburren musika idatzi du , esaterako Invisible, Emak Bakia …Argitaratu berri duen “%100 Oion” lanaz mintzatu da. Musikaren bitartez, etorkinekin zubiak eraikitzen saiatu dira” %100 Oion” proiektu artistikoaren bidez. Mursegok eta Idoia Zabaleta koreografoa gidatu dute elkarbizitzaren aldeko musika proiektua.Frantzian abian jarri zen Komandatarioak proiektuaren barrua, Oionen ere artearen bitartez herritarren arteko lotura sustatu nahi dute.
Deskargatu hemen.