Jon Garaño eta Aitor Arregi zuzendarien Handia film sarituarekin hasita, Donostiako Zinemaldiko sail ezberdinetan aurkeztutako 7 film izango dira guztira urriaren 2tik 8ra Bilboko Azkuna Zentroan. Atzo Handia filmaren aurre estreinaldia izan zen bertan. Aretoa goraino bete zen, zuzendari eta aktoreak pozik agertu ziren Donostian jaso izan duten harrera eta sariekin. Aitor Arregik eta Jon Garañok Altzoko Handiaren bizitza oinarri hartuta egin duten Handia filmak irabazi du epaimahaiaren sari berezia Donostiako Zinemaldiaren 65. ekitaldian.
Deskargatu hemen.