Garabide elkarteak gonbidatuta, zortzi hizkuntza gutxitutako hamabi hiztun daude egunotan Euskal Herrian, hizkuntza gidaritzari buruzko ikastaldi bat egiten. Esperientzien trukea egiten, Maroko, Ekuador, Txile eta Kolonbiako eragileekin. “Hizkuntza Biziberritzeko Gidaritzari Buruzko Ikastaldi Trinkoa” atzo hasi zen , eta, estreinakoz, emakumeak izango dira nagusi. Garabideko Andonik kokatu digu ikastaroaren nondik norakoak. Garapen bidean diren herrialdeekin nahiz hizkuntz gutxituetako komunitateekin euskararen berreskuratzearen esperientzia partekatzen duen elkartea da Garabide.
Diego Fernando Yatacue Kolonbiako nasa hiztuna. Nasa indigena da Diego Fernando Yatacue, kolonbiarra, Cauca departamenduan jaioa.
Lizbeth Georgina Sánchez Ortiz, Nahuatl (Mexiko), Eyichikweyiko material didaktikoa ekoizteko kooperatiba koordinatzailea.
Milouda El Hankari Amazigera hiztuna eta kulturen arteko bitartekaria da. Afrika iparraldeko amazig etniakoa da El Hankari, Rifekoa. Hizkuntzan egoeraz mintzatu da baina baita herrian bizi duten errepresioaz.
