Bilboko Udalak omenaldia egin die gaur Korrikaren sortzaileei Euskararen Nazioarteko Egunean. Orain 37 urte ekimen honekin hasi ziren AEKko zortzi kideak omendu ditu. Egurrezko lekuko bana jaso dute. Hauek izan dira omenduak: Bitor Allende, Alvaro Gurrea, Urtsa Errazti, Bittor Artola, Josepe Zuazo, Joseba Kanpo, Julen Kaltzada, Enrique Ibabe. Bilboko Udalak 37 urteotan eta 20 ediziotan egindako ibilbidea omendu nahi izan du. Gaurko ekitaldiak Korrikak lortutakoa goraipatu dute. Gainera, Korrika sortu zenenik, Bilbok zeregin handia izan du, zenbaitetan izan baita helmuga eta hasiera. Korrika gertaera bat bihurtu da eta bi urterik behin Euskal Herriko gizarte osoa mugiarazten du.
Deskargatu hemen.