Bilbao Izan programaren barruan, Begoñako Elizatearen lurretan egon zen Loruri auzoa eta honen historia ezagutzeko aukera izango dute bilbotarrek irailean zehar.Aurreko astean eman zioten hasiera aurtengo edizioari eta aurrekoetan bezala, auzoei begiratuko zaie: Begoñako Elizate zaharraren hedapenari, hain zuzen ere. Miren Tejerok gidatzen ditu ibilbideak eta berarekin batera bistako nondik norakoak ezagutu ditugu. Loruri Bizkaiko etxebizitza ekonomikoen kooperatiba sustapenaren adibide aitzindaria da. Auzoa Sociedad Cooperativa de Empleados y Periodistas La Ciudad Jardin Bilbaina izenekoak sustatu eta Pedro Ispizua arkitektoak diseinatu zuen. Hirigintzan landa inguruaren eta hiriaren abantailak biltzen dituzten auzoak definitzeko ‘Loruri’ kontzeptua erabiltzen da, Ebenezer Howard britainarrak proposatuta. Bistetan parte hartzeko izena eman behar da 010 zenbakian.
Deskargatu hemen.
