Lanaren ekonomia irrati saioa langileen ikuspegi ekonomikoa jorratzeko sortu da, Endika Alabort Amundarain eta Jon Bernat Zubiri Rey ekonomialariek gidatuta. Langile izatea ekonomia ikusteko era bat da, gehiengo zapalduaren ikuspegia. Sarritan botere arrotzaren eta Kapitalaren ikuspegitik azaltzen dira eguneroko gorabehera ekonomikoak. Kutsadura informatiboari aurre egiteko arituko dira Endika eta Jon Bernat, Bilbo Hiria irratian astero saioa egiten, beste irrati libreen gustukoa izango delakoan. Ekonomia gaiak jorratzen eta ulertarazten ibiliko dira, baina egiturazko aferak entzuleen eskura jartzen ere bai. EHU-ko ekonomia irakasleak dira, bata sindikalista, bestea militante autonomoa, biak lan ekonomiaren inguruko hitzaldi eta ikerketetan arituak. Gaurko saioan pentsionista eta alargunen aurkako erasoaren inguruan aritu dira. Pentsioen erreformak aztertu eta egun mahai gainean dauden eztabaidan inguruko hausnarketan sakondu dute.
Deskargatu hemen.
