Aste Nagusiak bat egin du Euskaraldiarekin. Biziprest Eguna ospatu da horren harira. Bilboko Jai Batzorde Mistoko eta Euskaraldiko kideek adierazpena egin dute. Saioa Domínguez txupinerak irakurri du, euskaraz. Berarekin batera agertu dira Zorion Egileor pregoilaria, Marijaia, Juan Mari Aburto Bilboko alkatea, Koldo Narbaiza Euskara zinegotzia, Itziar Urtasun Jai Arloko zinegotzi eta Jai Batzorde Mistoko presidentea, Euskaraldiko eta Bilboko Konpartsetako ordezkariak, udal-talde politikoen zinegotziak eta dozenaka konpartsakide eta herritar. Euskararen presentzia areagotu egin zen horrela Bilboko jai eremu ezberdinetan. Jai Batzorde Mistoak euskarazko ekitaldien presentzia indartu egin zuen egitarauan, konpartsen ekitaldi denak euskaraz izan ziren, eta txosnetan txandak egiten ari zirenei euskaraz aritzeko jarrera eduki zezatela eskatu zieten konpartsakideek. Aste Nagusian euskaraz bizitzeko aukera zabalagoa dela nabarmendu dute ; euskaraz bizitzeko eskubidea betetzeko bidean urrats bat egin dela azpimarratuz.
Deskargatu hemen.
