Ongi Etorri Errefuxiatuak elkarteak 72 orduko kontzentrazioa abiatu zuen atzo Bilboko Areatzan. Uda guztian zehar egindako lana gogora ekarri dute, 100 egun luzetan, Euskal Herriko herri mugimendu ezberdinek lagunduta, txandaka, elkartasunez Afrikako herrialdetatik etorritako ehunka lagunei harrera egin diete. Horietatik 40 Oñatiko zentrora joango dira eta beste horren beste Euskal Herriko herri ezberdinetako harrera taldeak lagunduko diete. Migranteak bidai luzea egin ostean hemen beste muga batzuekin topo egin dute, legezkoak, xenofobia eta arrazismoa. Beste behin harrera sistema ofizialaren gabeziak salatu dituzte, 3 egun ez baita nahikoa bidaian dauden migranteei laguntza eskaintzeko. Atzo protesta kanpaldia desegin egin zuen Bilboko Udaltzaingoak.Gaur goizean asteazkenera arte bertan egongo direla adierazi dute, programa zabala dute hiru egunetarako antolatuta.
Deskargatu hemen.
