Euskal kulturaren garapenean egindako lanagatik omenduko dute Gabriel Aresti ostiralean, urriaren 19an Euskaltzaindiaren egoitzan. Aresti eta bere garaia, Hizkuntza biziberritzearen bidegileak izenpean 1960 eta 1975 artean euskalgintzan emandako urratsak aztertuko dituzte; Aresti eta bere garaikideen lanaren analisia eginez. Egun osoko egitaraua izango da, goizean zehar hitzaldiak eta arratsaldean musika eta poesia erakustaldiekin. Juan Mari Aburto, Andres Urrutia eta Xabier Monasteriok emango diote hasiera eta goizeko 9:30etatik eguerdiko 12:30ak bitarte, euskara batuaren eta euskal kulturaren hastapenen analisi kronologiko bat egingo dute, ordu erdiko saioetan bananduta. Goizeko egitaraua amaituta, arratsaldeko zazpietan hasiko da azken ekitaldia. Rogelio Botanz eta Rafa Rueda izango dira Arestiren poesiei musika jartzen, eta Udane Goikoetxea izango dute lagun poemen irakurtaldian.
Deskargatu hemen.
