Berriz ere matematikaz jardungo dugu Zientzialari saioan. Zientzia zehatza dugu matematika, baina zenbaitetan ezinezkoa gertatzen zaigu problema baten emaitza zehatza lortzea. Horrelakoetan bestelako baliabide matematikoak behar dira, egiazko emaitzatik ahalik eta hurbilen ibiltzeko. Hori egiteko aukera ematen digun eragiketa multzoari zenbakizko metodoa deritza, eta gaurkoan Elisabete Alberdi matematikariak adieraziko digu zertan dautzan método horiek.
Matematikan lizentziatua da Elisabete Alberdi, Madrilgo Unibertsitate Konplutensean lizentziaturaren azken bi urteak egin zituela. Irakasle ibili zen Lea Artibai institutuan tesia egiten zuen bitartean. Egun irakaslea da UPV/EHUko Bilboko Ingeniaritza Eskolan eta ikertzailea M2SI taldean.
Deskargatu hemen.
