137 urteren ostean, aurreko astean utzi zion Atxuriko geltokiak trenak jasotzeari. Espazio hori Atxuriko Garcia Rivero eskolaren zein barrutiko beste elkarteen beharretara egokitzea aldarrikatzen du Lokomotorak elkarteak, espazio publiko eta sozial bat bilaka dadin. Lokomotorak elkarteko Nora izan dugu saioan. Geltokiaren etorkizunaren inguruan hausnartzeko, hainbat bilera egin ditu dagoeneko Lokomotorak elkarteak auzoko elkarte zein eragileekin. Halaber, hainbat erakunderekin ere harremanetan jarri dira, Atxurik dituen eta era berean Euskotrenek dituen beharrei erantzuteko proposamen bat garatzeko asmoz.
Deskargatu hemen.