Gaurkoan “Etxera Bidea” saiakera izan dugu hizpide irrati tarte honetan. Ostiralean Euskadi saria jaso zuen Xamarrek saiakera sailean, zoriontzeaz gain gogora ekarri dugu bertan kontatutakoa. Aezkoan kokatutako historia dakar Xamarrek. Hizkuntzaren berreskuratze eta ukatze baten testigantza ekarri ditu. Ezohiko lana dugu hau, testigantza bat, lekukotasuna jaso du Xamarrek. Garraldan (Aezkoa ibarra, Nafarroa), 1980. urtean, amatxi euskaldun baten harridurak eta deserosotasunak ez zuten mugarik, ordu artio erdalduna zen ilobak lehenbizikoz Euskaraz hitz egin zionean. Memoria historikoa ez da gerra kontuetara bakarrik mugatu behar, Xamarren iritziz, ondorioak hura bizi izan ez zutenengana ere hedatu zirelakoz urtetan. Mintzaira ikasten, historia ezagutzen, herri kultura baloratzen… galdutakoaren bila.
Deskargatu hemen.