Egun seinalatua da azaroaren 25a egutegian, Indarkeria Sexistaren Aurkako Nazioarteko eguna izanik. Hamaika egitasmo antolatu dituzte Euskal Herriko talde feministek, eta aste guztian zehar egongo dira zereginak Bilboko hainbat txokotan. Euskal Herriko Mugimendu Feministaren eskutik, mobilizazio orokorrak egongo dira hiriburuetan, besteak beste, Bilbon, Gasteizen, Donostian, Iruñean eta Baionan. Bilbokoa Jesusen Bihotza plazatik abiatuko da, arratsaldeko 19:00etan. Deustu, San Inazio, Arangoiti Zorrotza eta Alde Zaharreko talde feministek hainbat ekimen antolatu dituzte.
Deskargatu hemen.
