Aurtengo edizioa emankorra, orekatua, oso jendetsua, anitza eta baikorra izan dela esan dute emaitzek. Milaka bisitari jaso ditu herriak egun hauetan, Gerediaga elkartearen datuen arabera 110.000 pertsona baino gehiago elkartu ziren Landakogunean, kontuan izanik igande arratsaldeko datuak oraindik argitaratzeke daudela. Egun guztiak nahiko orekatuak izan diren arren, dudarik gabe jendetsuena ostirala izan zela ezagutarazi dute. Aitzitik, Azokara gerturatu den jende kopuruaren adierazgarri da, iaz baino egun bat gutxiago izanik, periferiatik erdigunera gerturatzeko antolaturiko doako autobus zerbitzuak erabiltzaile kopuru berbera izan duela. Horrez gain, 54.edizioaren logoarekin kaleraturiko 4000 telazko poltsak amen batean agortu ziren.
Deskargatu hemen.