Ongi etorri Errefuxiatuak Bizkaia plataformak Greziako eta Turkiako mugetan errefuxiatuekin ematen ari den giza eskubideen urraketa salatu du. Bilboko Turkiako eta Greziako kontsulatuen parean kontzentrazioa egin dute. Horrekin batera, Balkanetako migrazio bideko egoera ere salatu nahi izan dute, adieraziz giza balio eta balio demokratikoak dituzten pertsona guztien alarmak astintzen ari direla.
BilbaoArtek Women Make Film: A New Road Movie Through Cinema dokumental saila esteinatuko du. Mark Cousins, Ipar Irlandako saiakeragile eta kritikaria da lanaren zuzendaria. Martxoaren 9tik aurrera, eta zazpi astelehenetan zehar proiektatuko da lana BilbaoArten arratsaldeko 19:00etan. https://bilbohiria.com/docs2/2020/Ibaizabal/20200306_WomenMakeFilm_BilbaoArte_.mp3 deskargatu hemen.
