Osasunaren eta zaintzaren “ardura kolektiboa” jaiaren aurretik jarri du Bilboko Jai Batzorde Mistoak eta, iragan astean Aburto alkateak aurreratu bezala, Aratusteak bertan behera geratu direla igarri du. Euskal Museoan eginiko agerraldian Bilboko Jai Batzorde Mistoko kideak agertu dira prentsaren aurrean, eta, batzordeko lehendakari Itziar Urtasunek eta Bilboko Konpartsetako ordezkari Artzai Goieaskoetxeak eman dituzte azalpenak. “Festa gogoak gorabehera”, azaldu dute kalean ez ezik birtualki ere ez dela aratusterik izango. Bestalde, Aste Nagusiaren inguruko erabakirik hartu den galdetuta, oraindik Bilboko jaietarako hilabeteak falta direla eta gaia batzordean ez dela aztertu erantzun du Goieaskoetxeak.
Deskargatu hemen.
