Aurora Mora bere instalazio artistikoari azken ukituak ematen ari da, bere bizitza betirako aldatuko duen deia jasotzen duenean. Posible al da gurea ez den lur batean sustraitzea?Posible, familia eta aberriaren zama gainean dugula, hegaldi propioari ekitea? Galdera hauek eta beste asko egingo dituzte “Atzerria lurra garratz” antzezlanean. ArteDramaren azken antzezlana dugu. Amancay Gaztañaga antzezlanaren zuzendariarekin berba egin dugu. Oholtzan Ander Lipus eta Laura Penagos aktoreak. Azken honek gorpuzten du Aurora Moraren pertsonaia. Bogota ondoan jaioa, hamabi urte daramatza gure artean. Bere bizipenak eta sentipenak ditu abiapuntu obrak, nahiz fikziora jo duten sortzerakoan. Datorren astean Arriaga Antzokian izango dira.
Deskargatu hemen.