Yogurinha Borovaren bisita izan dugu Bilbo Hiria irratian. Eduardo Gaviña Yogurinha Borovaren alter egoa da eta, orain, umeentzat ere euskarazko kanta askatzaileak abesten ditu. Antzerkian Maria Urzelairekin dabil “Mari meri eta lari” antzezlanean. Yogurinha Borova Las Fellini taldean sortu zen 1994ean Bilbon. Urte hauetan guztietan Yogurinha euskaldundu eta kantaria bilakatu zaigu.
Atxuriko ehunka bizilagunek, Garcia Rivero eskolako eskola‐ komunitatearekin batera, Udalari eskatu diote Atxuri kalean eta Ibeniko kaian jarduteko, bertatik oinezkoen mugikortasuna lehenesteko, bai eta Atxuriko geltokiko espazio hutsaren erabilera publikoa eta herritar guztientzat irekia lehenesteko ere. Jai giroan autorik gabeko nazioarteko egunean udalak auzoaren beharrei muzin egiten diela salatu dute. […]