Bilboko Udalak, aurten ere, euskara-ikastaroak eskainiko ditu Biribilko programaren barruan, hiriko merkatarien artean euskararen erabilera sustatzeko. Aurreko edizioetan legez, ekimen hau HABErekin, euskaltegi homologatuekin eta bilbaoDendak plataformarekin elkarlanean garatuko da. Biribilko programa 2009an jaio zen eta, harrezkero, Bilboko merkataritzaren esparruan diharduten 1.800 pertsona matrikulatu izan dira. Programa Bilboko alde zaharrean aurkeztu dute bertako bi merkatarirekin batera.Interesa duten Bilboko merkatariek datorren barikura arteko epea dute (urriak 8) matrikula egiteko Biribilko web-orrian, euskaltegietan beretan edota 688 739 015 telefonora deituz.
Deskargatu hemen.