Axut- kolektiboak Amua antzezlana eskaintzen ari dira Euskal herriko txoko anitzetan, urriaren 5 eta 6an Bilbon izango dira eta lanaren inguruan solasteko, Manex eta Ximun Fuchs batu zaizkigu irratira. Amua lanak maitasunaren inguruan dihardu, hiru pertsonaiaren bidez. Abiapuntua maitasun hirukia dugu: Anak bere gaztaroko bi maitale ohi gonbidatu ditu Iratiko etxola batera: azken asteburu bat, izan zirenaren eta amestu zutenaren izenean. Aitor eta Txolarre etorriko dira bai, baina ez batak, ez besteak, ez dakite hiru izanen direla.
Nami Kaneko itzultzaile japoniarra saritu dute Etxepare-Laboral Kutxa Itzulpen Sariaren zazpigarren edizioan, Bernardo Atxagaren ‘Soinujolearen semea’ eleberriaren japonierazko itzulpenagatik. Shigeki Tabata editorearen gidaritzapean, Shinchosha argitaletxeak plazaratu du lana, eta itzultzaileak eta argitaletxeak 4.000 euroko saria partekatuko dute. Gainera, 2.000 euro arteko laguntza jasoko dute argitalpenaren sustapenerako. https://bilbohiria.com/docs2/2021/ibaizabal/211001_Soinujolearensemea.mp3 Deskargatu hemen.
