Gaurkoan Josuk Marcel Coderch ekarri du hizpidera, Sarrikon egindako jardunaldi batean ekintzaile antinuklear katalanak aldarrikatu baitzuen artikulu bakarreko legea argitaratu beharko litzatekeela, publizitate ekintza oro debekatuko zuena, publizitatea kontsumora akuilatzearen delitua baita. Iradokigarria zen proposamen xalo eta sinplista horren atzean zegoen mezua, izan ere, kontsumismoa da egungo gizartearen eta daukagun arazo ekologikoaren eragile nagusia, eta kontsumismorako bultzada marketing eta publizitateak egiten du. Desirak sortzea du helburu publizitateak, marka zehatz batzuekin eta haien produktuekin lotuta. Kontsumismoan du diru-iturria eta, beraz, ez dio utziko kontsumoa bultzatzeari.
Deskargatu hemen.