Bizkaiak murrizketarik gabe ekingo dio ekainaren 1ean hondartza denboraldiari. Aurten, berrikuntza gisa, bainu lagunduaren zerbitzua irailaren 30era arte luzatuko da. Gainera, hareatza batzuetan hondakinak trinkotzen dituzten zaborrontzi adimendunak jarriko dira. Guztira, 269 pertsona ariko dira Bizkaiko hondartzak zaintzen eta garbitzen.
Elhuyar Zientzia Azokak aurten 10 urte betetzen ditu, eta ekainaren 2tik 5era egingo da Bilboko Areatzan. Ostiralean Areatzatik zuzeneko saio berezia egingo du Bilbo Hiria irratiak. Gazteek STEAM proiektuak erakutsiko dituzte Areatzan jarritako etxoletan. Jaimetan, aldiz, ikerketa profesionala paratuko dute erakusgai. Mondragon Unibertsitatea, CFM-Polymat, Deustuko Unibertsitatea, BCMaterials, EHU ENEDI EHU […]