Aldatzen Laguntzen Antzerki Taldea “Birritan bortxatua” antzezlana eskainiko du lehenengoz Bilbon. Igandea Bilborock aretoan hausnarketarako tartea eskainiko digun antzezlan izango dugu, izan ere Birritan bortxatua antzezlana fikziozko kontaketa bada ere errealitatean gertatutako hainbat bortxaketatan du oinarria. Interneten denon eskura eta ikusgai dauden epaiketa ezberdinetako testigantzetatik atera da informazioa. Protagonista Nagore dugu, Nagorek beldurrak gaindituz, salaketa jartzea erabakitzen du. Orduan hasten da Nagoreren bigarren amesgaiztoa. Epaiketan zehar bizi eta sufritutakoak kontatuko dizkigu antzezlan honek, baita gizartearen partetik jasotako epaiak ere.
Deskargatu hemen.
