Asteburu atarian errepaso ederra egin dugu inguruan ditugun ikuskizunez. Getxon abiatu dugu agenda, izan ere Tartean Teatroa ‘Bake lehorra’ antzezlana eskainiko du Muxikabarri aretoan. Zehazki, 1872ko karlisten eta liberalen arteko Zornotzako bake ituna hartu du abiapuntu Patxo Telleriak, baina kasu zehatzetik harago, bakeari eta gerrari buruz gogoeta egiten duen obra da ‘Bake lehorra’. Urriaren 7 eta 8an ospatuko da Eztanda Jaialdia Algortako Autozinean. Dagoeneko iragarri dituzte parte hartuko duten zenbait banda, eta besteak beste, Streetwise, Kaleko Urdangak, Tatxers, Arene 6, Ukabilkada, Doubling Bpys, No Limits, Ugerda eta Jonny Gerriwelt taldeak ariko dira.
Deskargatu hemen.