Urriaren amaieran kaleratu du Eñaut Elorrietak hurrengo disko luzea, laugarrena bakarka. Fantasia izena izango du eta gaur aurrerapen bezala ezagutarazi dituen bi singleak entzungo ditugu. Baiona dugu hurrengo geltokia, bertakoak baitira Orbel taldeko partaideak. Lur Hezea izeneko disko barnerakoi eta sakona aurkezten dabiltza. Guk bertatik bi abesti jarriko ditugu gaur. Aitor Rubio musikariak Argi Izpiak izeneko diskoa kaleratu berri du, blues-rock klasikoa oinarrian abesti biribilak aurkezteko. Rock klasikoarekin hasita, Markos Untzeta ekarriko dugu gurera. Bere azken diskoan, Ekilibrista, abesti inspiratuak eta bere ahots pertsonala. Gustura entzuteko diskoa. Sister Ray, Velvet Underground bandaren abesti bat izateaz gainera ondoren datorren proiektuaren izena ere bada. Ella Coyes musikariak izen horren azpian kaleratu du Communion izeneko diskoa. Gomendagarria. Eta bukatzeko, liluratu gaituen disko bat ekarri dugu: Urtzi Iza musikariaren Otoi. Tophus izeneko disko ederra kaleratu berri du. Izaren ibilbidean Empty Files bezalako proiektu mamitsuak daude, Otoi aurrerapauso garrantzitsua delakoan gaude.
Deskargatu hemen.
