Bi kanporaketak egin ondoren, III. Señora sariketaren finala larunbatean izango da Oñatiko Berdurihall gaztelekuan. Finalaz gain, egun osoko egitaraua antolatu dute larunbaterako.
Maddi Ane Txoperena finalean arituko den bertsolarietako bat da, eta berarekin hitz egin dugu finalaren eta Señora sariketaren gainean.
Argia astekariaren gaiak errepasatu ditugu Gorka Peñagarikano kazetariarekin. Azalean esklabotzaren inguruko erreportajea nabarmendu dute. Ezagun da Europa esklabotzaren bitartez aberastu zela, ondasunak Afrikari ostuta besteak beste, eta “aberatsak” gara horregatik. Black Lives Matter mugimenduak ekarri du gogora afera hori, baita The Guardian egunkariak ere. The Guardian-ek, martxoaren 28an, albiste baten […]