Atxuriko Garcia Rivero eskolak 480 ikasle ditu eta aspalditik neurriak eskatzen ari dira eskola ingurunea egokitzeko, haurrak eskolara lasai iritsi daitezen, ikasgelan edo patioan daudenean ez ditzaten jasan kutsadura tasa ikaragarriak eta zarata estresagarriak. Atxuriko García Rivero eskolako patioan zarata eta kutsadura tasek OMEren gomendioak gainditzen dituzte. Are gehiago, OMEk gomendatzen du PM 2.5 partikulen eguneroko kontzentrazioa urtean 4 aldiz baino gehiagotan ez gainditzea. Partikula horiek arnasbideetan sartzeko gaitasun handia dute, eta gure eskolan neurtutako 10 egunetatik 9tan balioa gainditu da. Halaber, zarata-maila egunero gainditu da, eta horrek lotura zuzena du ikaskuntza-prozesuaren eragozpenarekin. Neurketa horiek UPV/EHUren ikerketa baten baitan egin dituzte, dena zientifikoki frogatuta. Udalak ezagutzen ditu datu hauek.
Deskargatu hemen.
