Lautan3 jaialdiaren baitan, Tartean teatroak Bilboko Kalderapeko tabernan “Arima eta Bihotza” antzezlana estreinatuko du. Jokin Oregik idatzi eta zuzendu du obra eta telefonoaren beste aldean izan dugu. Antzerki laburra dela esan digu, 15-20 minutu ingurukoa, eta publiko guztiarentzat eginiko obra dela ere bai. Mikel Losada eta Anje Oregi izango dira taula gainean. Ostegunekoa da estreinaldia baina Jokin Oregik aurreratu digu beste hainbat tokitan antzerkia ikusteko aukera egongo dela.
