Alguillo & Alkimistak Alfonso Guillo elgoibartarraren proiektu pertsonalena da. Estilo ugariren arteko fusioa eskaintzen du: rhythm & blues, funky, rock, musika latinoa eta gospel koruak. Guillok taldeko doinu eta hitz guztiak sortzen ditu, eta bere ibilbide musikal luze eta oparoaren emaitza da. Koska taldearen sortzailetakoa izan zen 1970eko hamarkadan, eta beste hainbat proiektutan parte hartu du geroztik. 2024ko udazkenean argitaratu zuen “Burua makurtu gabe” diskoa, 2025ean zuzenean aurkeztu duena. Taldeak emozioaren transmisioa eta musikaren bidezko lotura bilatzen ditu, bai barrura bai entzuleengana, horregatik du izena Alkimistak.
Deskargatu hemen.
