Beste aste bat, beste saio bat; eta Marea Urdina elkartearen berri izan dugu asteon. Elkartearen helburua inklusioa da: eskolan, kirolan, kulturan eta aisian. Urola Kostako aniztasun funtzionala duten pertsonak herrian sortzen diren ekintza eta dinamiketan leku bat izateko lan egiten dute. Aritzekin aritu gara solasean eta bera kontatu digu elkartearen sorrera nolakoa izan zen. Gainera, bere esperientzia pertsonala ere partekatu du gurekin.
Hilabetero egiten dugu bat AEKren AIZU aldizkariarekin, eta noski, urtarrilean ere Eñaut Mitxelenarekin aritu gara berbetan. Hilabete honetako protagonista Udane Juaristi margolaria da, Udatxo ezizenez beharbada ezagunagoa dena. Kontu askoren artean, arteaz, hormetan margotzeaz eta Oviedon egindako lanaz aritu dira. Laburrean, Joanes Echeveste, Pontx pailazoa, elkarrizketatu dute; pailazo izatea eta […]
