Gotzon Hermosillak kontatu digunez, Galindo ibaiertzean, Sestaoren eta Barakaldoren artean, iragarkiak jartzeko panel handi bat dago: langileek paperak kentzen dituzte, lurrean bertan uzteko, eta horrek ibaia kutsa dezake Eguzki talde ekologistak jakinarazi duenez. DESKARGATU HEMEN !!!!!
Ibaizabal Magazina
Ibaizabal magazinean aktualitateko gai ugari jorratzen dira, munduko eta, batez ere, Bilboaldeko kontuak: elkarrizketak, albisteak, solasaldiak eta erreportajeak.
Aspalditik dator eta kasu honetan pasa den hilaren 11an hiru orduko lan-uztea egin zuten langileek. Arrazoia, zuzendaritzak ez duela betetzen plantillaren inguruan adostutakoa. LABeko ordezkari Raul Mendez azaldu digunez, gauzak bideratu ezean lan-uzte gehiago izango dira hilaren 23 eta 30ean. DESKARGATU HEMEN!!!!!
Gipuzkoako txapelketaren harira Azpeitian izan zen bostgarren eta azken final laurdena ekarri digu Jabi Lauzurika lankideak; horrekin batera astebururako agendaren aipamenak, eta sanmartinetan gaudenez Justo respaldiza zenari 85.urtean egin grabazioa: “San Martin esaik bat: gure Jaune bera dok bat… esaik hamahiru: ez dozak hamairu…” Dokumentu ederra! DESKARGATU HEMEN!!!!!!
Gaurkoan bi ekarri dizkigu Alvaro Hilario kazetariak. Hasteko, duela gutxi egindako hauteskundeetan Cristina Fdez. de Kirchnerrek lortutako garaipena aztertu du. Bestalde, duela gutxi ere ESMAren (Armadaren Eskola Mekanikoa) aurkako epaiketa eta epaia izan ditu hizpide. DESKARGATU HEMEN!!!!
Bilboko Zine Dokumental eta Laburmetraien Nazioarteko 53. edizioa hilaren 11an hasiko da, Bilbo Rocken egingo duten ekitaldiarekin batera. Ines Intxausti Zinebiko Idazkari nagusiaren ustez, aurtengo programazioa erredikala da. Sail ofizialean 73 film aukeratu dituzte: 4 euroren truke eskaintza paregabea zinemarekin gozatzeko. DESKARGATU HEMEN!!!!
Hauteskunde kanpainan gabiltzala, Nafarroan gaur bi inkesta agertu direla esan digu Mikel Bujandak. Nafarroako Kutxen “diru kontuak” ere izan ditu aztergai, baita AHTren inguruko albisteak ere. Bukatzeko, Aingeru Epalzaren “Yo que fui rey de Navarra” liburua aipatu du Mikelek. DESKARGATU HEMEN !!!!!
Gaur, S. Martin egunarekin batera hasiko direnak. Aurten ere gai izan dira jai herrikoi eta euskaldunak antolatzeko. Ostiral, larunbat, igande eta datorren asteko larunbatean ere izango dira aurtengo jaiak, Txutxi Ariznabarreta Zolloko Jai Batzordeko kideak kontatu digunez. DESKARGATZEKO KLIKATU HEMEN!!!!!
Bere jaiotzaren urteurrenean Ion Miranderengana hurbildu gaitu Jabi Lauzurika lankideak: gizon polemiko eta polemistaren bizitza, “Haur besoetakoa” liburuaren inguruan duela urtebete bat egindako mahai-inguru batean sortutako eztabaida,”kama goli” erromintxelaz Mirandek idatzitako poema… Eta egilea beraren zenbait poema musikatuen bertsioak Imanol Lartzabal, Hertzainak edota Zaramak taldeek eginik. DESKARGATU HENMEN!!!!!!!
Ermuko Euskal Birusa elkarteak antolatuta hainbat ekitaldi prestatu dituzte S. Martin egun seinalatua ospatzeko. Alde batetik, larunbatean Azoka egingo dute 22.ez, eta horrekin batera kalejira, umeentzako jolasak, dantza, erromeria… Eta bestetik, S. Martin Kulturala, hilaren 4an hasita eta azaroaren 25era arte luzatuko dena, Euskal Birusa elkarteko Amaia Arriagak kontatu digunez. […]
Gaurkoan ere, hiru berri ekarri dizkigu Joxe Rojasek. Hasteko, gazteen hizkuntzaren erabilera sare sozialetan aztertu dutela. Hauteskundeak direla-eta, bestalde, espainiar estatuan lehenengo biktima politikoak izan direla, sare sozialetan esandakoa dela kausa. Eta bukatzeko, RENFEk trenetan Wi-fia jarriko duela kontatu digu Joxek. DESKARGATU HEMEN !!!!